 |
||
ELDFLUGAN Eldflugan er forvarnarverkefni fyrir börn. Hingað til hefur aðallega verið lögð áhersla á umferð og umferðarreglur, en einnig hefur verið unnið með annað forvarnarefni s.s. brunavarnir, útbúnað í bílum, ef börn týnast og hættu sem getur skapast af því að fara upp í bíl hjá ókunnugum, svo eitthvað sé nefnt. Elli eldfluga er tákn verksins; eldflugur lýsa í
myrkri og vísa þannig til endurskins. Elli á
nokkra vini, þau heita Beta býfluga, Jóndi járnsmiður
og Orri ormur. Þessar ágætu ævintýrapersónur
hafa búið til bók sem heitir Undraeyjan. Það
er fyrsta bók í bókaflokki um Ella eldflugu
og vini hans. Bókin veitir börnum tækifæri
til að læra ýmislegt um umferðarreglur og um
leið geta þau leikið sér með límmiðana
og flutt þá til svo oft sem þau vilja. www.eldflugan.is er að hluta til gagnvirk þannig að börn geta sent Ella og vinum hans tölvupóst. Mörg hundruð börn hafa sent Ella sínum póst og sagt honum ýmis leyndarmál og fengið góð ráð. Öllum pósti er svarað persónulega, aldrei eru notuð stöðluð svör enda erindi barnanna mörg og misjöfn. Í samvinnu við RÚV hafa verið framleiddir
14 sjónvarpsþættir um Ella og vini. Börn
hafa tekið þessum þáttum fagnandi og ekki
verið löt að senda Ella eldflugu tölvupóst.
Það er ánægjulegt að sjá hvað
börn gangast upp í því að tileinka
sér boðskap Eldflugunnar og leggja metnað sinn í
að læra það sem um er fjallað hverju sinni. Myndskreyting: Kári Gunnarsson |
||
|
